Cwrs Tŷ Newydd 2013

ty newydd 2013

Wedi cael penwythnos briliant yn Nhŷ Newydd ar gwrs yr Urdd. Mi fuodd Bethan Gwanas ac Ifor ap Glyn yn arweinwyr gwych, a dwi wedi chwerthin tan ‘mod i’n crio – ysu i gael dychwelyd i Lanystumdwy i aros yno eto cyn bo hir!
(Bwyd yn ffein ‘na ‘fyd)

Dyma ambell bwt o gynnyrch y penwythnos hwnnw:


Pobol y Cwm

Ffieiddiai Daniel Jones-Williams wrth glywed y geiriau gwarthus a ysgrifennwyd ganddo yn dianc o enau Anti Marian.

“Ti moyn cacen fanana, Meic?”

Nid campwaith llenyddol mohono. O bell ffordd.

Ochneidiodd. Fel sgriptiwr, aeth i drigo ym mynwent yr awduron da… ond nid oedd eto wedi sylweddoli i’w ddeialog difeddwl gyfareddu cynifer, mewn modd na lwyddodd yr un llyfr erioed.


‘Ffenest Nymber Ffôr’

Simne tal yn dwr bygythiol
a gwteri’n llawn dail marw.
Golau oren dierth yn y pellter.
Dim gobaith gweld y môr.
Mess yn wlith ar hyd y carped,
Y cês yn chwydu’i fol
a’r bocsys yn bygwth byrstio.
Dim cysur i’r cartref newydd hwn,
a breichiau’r goeden deulu yn chwifio
“hwyl am y tro”
wrth gau’r drws.


Antur Arall Y Fuwch Binc

image

“Wedes i wrtho’ chi, ondyfe?!”

Nid oedd yr un o’r criw am gyfaddef mai’r tipyn ffarmwr o’r Gorllewin oedd yn iawn. Doedd yna ddim modd esbonio gwedd newydd y Welsh Black, er iddynt brocio a phinsio’r creuadur trwy’r prynhawn. Roeddent wedi rhedeg allan o brofion i wneud, ac heb owns o ddychymig yn perthyn iddynt rhyngddynt i greu rhai newydd. Inconclusive oedd canlyniod bob un wan jac, ac roedd pob cwestiwn roedd ganddynt yn dal i fod yn ddi-ateb.

“Dw iw thinc it’s majic?” holodd Idris iddynt.

Edrychon yn hurt arno. Hud a lledrith, wir?! Doedd y fath beth ddim yn bod siŵr iawn!

Er…

“Sir, we have tried everything… it could be…”

Cafodd y wyddones ifanc “NO” pendant iawn a gwg gas yn ateb.

Camodd Idris heibio iddynt a’i Saesneg mawr. Roedd gas ganddo weld ei annwyl fuwch yn ddiymdferth ar eu bwrdd nhw. Nel fach… Pwy ots pam yr oedd hi’n binc? Roedd hi’n dal i fod yn fyw ac iach. Byddai’n destun trafod i snobs y Royal Welsh, byddai, ond roedd gan rheini ormod o amser i siarad beth bynnag. Adre oedd lle hon. Adre yn y cae yn brefu’n braf, nid yn y ddinas, yn degan i’r bois mowr ‘ma a feddylient eu bod yn bwysig.

Advertisements

Gadewch neges / Leave a message

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s