Cerddi: Y Cloc / Traethawd Anorffenedig / Aeddfedu

Cyfres o gerddi ysgrifennais yn ystod darlith ddiflas iawn… iawn!

 


Y Cloc.

Ymestyn dy freichiau’n

hamddenol braf

tuag at fan draw,

heb awydd ffarwelio â munud arall,

a ‘ngadael i

i fynd

o nghof

yn araf bach.

Brysia.

Plis.

Dyro terfyn i ddarlith

ddwyawr

ddiflas,

a thywys fi tuag at

amser te,

ac ymlacia wedyn,

pan fydd gennyf innau

bethau llawer

gwell

i’w gwneud.

 


Traethawd Anorffenedig

Dechrau a chanol diddiwedd

a’r awdur wedi anghofio’i

atalnodi.

Beiro segur ag inc yn sychu,

llyfrau llonydd yn casglu llwch,

dogfen Word wag yn aros,

a’r ymchwilydd wedi mynd am dro,

wedi syrffedu’n llwyr ar ddarllen a dehongli

a phydru wrth ei ddesg yn yr ystafell gefn,

ac wedi troi at y

gweld,

clywed,

blasu,

arogli,

teimlo,

a byw.

 


Aeddfedu

Hŷn,

roedd hi lawer hŷn

na ninnau,

ond tra aethem ni

yn unswydd

i Topshop

i brynu

teits tyllog,

treulio’n naturiol

fu hanes ei sanau

hen gyfarwydd

hithau.

Advertisements

Gadewch neges / Leave a message

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s